ALIKIBA, MR BLUE KUMRUDISHA ABBY SKILLS

Msanii ambaye alifanya vizuri kipindi cha nyuma na nyimbo ‘Maria’ na ‘Mimi na Wewe’ Abby Skills anajipanga kurudi upya katika game la muziki na wimbo ‘Averina’ akiwa na Ali Kiba.

Staa huyo wa muziki nchini amesema, AliKiba na Mr Blue ndiyo watu ambao wanamsimamia kwa sasa ili kumrudisha upya kwenye chati ya muziki nchini.

“AliKiba na Mr Blue walikaa chini na kuamua kunisaidia kunirudisha kwenye game, waliniambia tumeona una kipaji kizuri, una melody ngoja tushirikiane ili kukupeleke sehemu fulani,” amesema abby Skills.

“Hata hii project yangu mpya na AliKiba ‘Averina’ wao ndio wanasimamia kila kitu, kwa hiyo kuna mambo mazuri yanakuja hivi karibuni na mashabiki wangu kaeni mkao wa kula,” aliongeza abby Skills

Muimbaji huyo amesema, kazi yake mpya aliyomshirikisha AliKiba itatoka hivi karibuni kwa kuwa tayari ameshashoot na video.